Business mogul na si Atong Ang at 21 iba pa ang kakasuhan ng Department of Justice (DOJ) matapos makakita ng prima facie evidence kaugnay sa kaso ng mga nawawalang sabungero mula 2021 hanggang 2022, ayon sa DOJ nitong Martes, ika-9 ng Disyembre.

Si Charlie Tiu Hay Ang, o mas kilala bilang Atong Ang, ay nauna nang nadawit sa kaso noong 2022, at lalo pang uminit ang usapin nang lumutang ang whistleblower na si Julie “Dondon” Patidongan, na dati niyang empleyado. Ayon kay Patidongan, mahigit 100 sabungero ang umano’y pinatay at itinapon ang mga bangkay sa Lawa ng Taal, paratang na agad namang itinanggi ni Ang.

Haharap si Ang sa 10 counts ng kidnapping with homicide, at 16 counts naman ng kidnapping with serious illegal detention.

Bukod kay Ang, kakasuhan din ng DOJ ang ilang miyembro ng kapulisan.

Listahan ng mga Kakasuhan ng Kidnapping with Homicide:

• Charlie Tiu Hay Ang

• Police Lieutenant Colonel Ryan Jay Orapa

• Rogelio Borican Jr.

• Rodelo Anig-ig

• Mark Carlo Zabala

• Ronquillo Anding

• Police Senior Master Sergeant Joey Natanauan Encarnacion

• Police Executive Master Sergeant Aaron Cabillan

• Police Master Sergeant Michael Jaictin Claveria

• Police Senior Master Sergeant Mark Anthony Aguilo Manrique

• Police Senior Master Sergeant Anderson Orozco Abary

• Police Staff Sergeant Edmon Hernandez Muñoz

• Police Major Philip Almedilla

• Police Lieutenant Henry Sasaluya

• Police Chief Master Sergeant Arturo Dela Cruz

• Police Senior Master Sergeant Farvy Opalla Dela Cruz

• Police Senior Staff Sergeant Alfredo Uy Andes

• Police Corporal Angel Joseph Martin

• Jezrel Lazarte Mahilum

• Emman Cayunda Falle

• Julious Tagalog Gumulon

• Police Master Sergeant Renan Lagrosa Fulgencio

Mga Kakasuhan ng Kidnapping with Serious Illegal Detention:

• Charlie Tiu Hay Ang (Atong Ang)

• Police Lieutenant Colonel Ryan Jay Orapa

• Police Master Sergeant Michael Jaictin Claveria

• Rodelo Anig-ig

• Rogelio Borican Jr.

• Police Staff Sergeant Alfredo Uy Andres

• Police Major Philip Simborio Almedilla

• Police Senior Master Sergeant Joey Encarnacion

• Police Executive Master Sergeant Aaron Cabillan

• John Does

Nakaligtas naman sa kaso ang aktres na si Gretchen Barretto, na pinangalanan ni Patidongan na kasabwat umano, dahil sa kakulangan ng ebidensya.

Noong Oktubre, ibinasura ng Office of the City Prosecutor ng Mandaluyong ang kasong pangingikil (extortion) na inihain ni Ang laban sa dating tauhan niyang si Patidongan at isa pang whistleblower na si Alan Bantiles dahil sa kakulangan ng ebidensya. Ayon kay Ang, tinakot umano siya ng dalawa na idadawit sa kaso kung hindi siya magbibigay ng P300 milyon.