Camalig, binalot ng abo mula bulkang Mayon

Binalot ng makapal na abo mula sa Bulkang Mayon ang ilang lugar sa bayan ng Camalig, Albay nitong Lunes.

Sa mga larawang ibinahagi ni Camalig Mayor Caloy Baldo, makikitang halos zero visibility ang paligid ng bulkan at maging ang kabuuang kapaligiran sa Camalig dahil sa matinding pag-ulan ng abo.

Dahil dito, pinaalalahanan ng mga awtoridad ang mga apektadong residente na magsuot ng facemask at manatili sa loob ng kanilang mga bahay kung maaari upang maiwasan ang masamang epekto sa kalusugan.

Samantala, ayon sa pinakahuling abiso ng DOST-PHIVOLCS, nananatili sa Alert Level 3 ang Bulkang Mayon.