16 opisyal ng Kalayaan local government, pinagbawalang makapasok sa China

Inanunsyo ng Embahada ng China sa Pilipinas nitong Martes, ika-10 ng Pebrero, ang pagbawal sa 16 na opisyal ng Kalayaan Municipality Council na pumasok sa China, Hong Kong, at Macao.

Ang desisyon ay ginawa matapos ideklara ng lokal na pamahalaan na “persona non grata” ang Chinese ambassador na si Jing Quan dahil sa paglabag sa diplomatikong protokol at panlilibak sa mga opisyal ng Pilipinas.

Sa inilabas na pahayag ng embahada, pinangalanan ang mga opisyal na sina Beltzasar S. Alindogan, Maurice Phillip Alexis S. Albayda, Nonelon B. Balbontin, Nonie C. Gapuz, Roberto M. Asiado, Hubert B. Llavan, Francis P. Polizon, Marilou S. Vales, Monico A. Abogado, Eugenio B. Bito-onon, Hermoso A. Ornopia, Tracylie Shierjun R. Malabayabas, Arzel E. Belidan, Vicencio R. Milan, Allan D. Dellosa, at Mary Cristina J. Lagrosa.

Ang munisipyo ng Kalayaan ay bahagi ng Kalayaan Island Group (KIG) sa West Philippine Sea, kung saan matindi ang tensyon kaugnay ng labanan sa teritoryong pangkaragatan.