Delta Air Lines, mag-aalok ng mas murang first at business class

Magiging mas abot-kaya at flexible ang pagbiyahe sa premium cabins ng Delta Air Lines sa 2026 sa pamamagitan ng bagong tiered fare system. Ang hakbang na ito ay sumusunod sa global trend ng airline industry na “unbundle” ang mga premium seats, ibig sabihin, mas murang opsyon na may mas kaunting kasamang benepisyo.

Sa kasalukuyan, ang mga pasahero sa premium cabins ng Delta ay puwedeng pumili lamang sa pagitan ng Classic at Extra fares. Ang Classic ay ang standard na premium fare, samantalang ang Extra ay may karagdagang benepisyo tulad ng refundable ticket, mileage accrual, at iba pang perks. Ang mga pasahero sa economy class ay may tatlong tier—Basic, Classic, at Extra—pero sa premium cabins, limitado pa rin ang mas murang opsyon. Sa 2026, magkakaroon na rin ng Basic fare sa first-class at business-class, na magbibigay ng mas murang entry point para sa premium travel.

Ang Basic fare ay para sa mga pasahero na nais maranasan ang comfort at prestige ng premium seating nang hindi nagbabayad para sa lahat ng benepisyo. Gayunpaman, may kasamang limitasyon ito: maaring mabagal ang boarding, walang advance seat selection, mas kaunting loyalty points, at may bayad kung kakanselahin ang ticket. Mananatiling standard ang Classic fare, habang ang Extra ay nag-aalok ng pinakamataas na level ng flexibility at benepisyo.

Nasubukan na ng Delta ang Basic na opsyon sa Comfort seating, kung saan kahit Basic, nakukuha pa rin ng pasahero ang pangunahing benepisyo tulad ng extra legroom, maagang boarding, at sariling overhead bin space. Limitado lamang ang seat selection at loyalty rewards, at may bayad sa cancellation. Ipinakita ng testing na puwedeng akitin ang price-sensitive travelers nang hindi naapektuhan ang kita ng airline.

Inaasahan ng Delta na unti-unting i-expand ang tiered fares sa buong 2026. Sa pamamagitan ng unbundling, puwede piliin ng pasahero kung alin ang mga benepisyo ang gusto o kailangan nila habang nakakakuha pa rin ng premium seat. Layunin din nitong punuin ang mga premium seats na maaaring hindi maibenta at makipagsabayan sa low-cost carriers na nagbebenta ng murang tickets.

Ang catch sa Basic fare ay kailangan handa ang pasahero na isakripisyo ang mga karaniwang perks ng premium tickets. Ang mga gustong flexible booking, free cancellations, advanced seat selection, at maximum loyalty rewards ay kailangan pa ring magbayad para sa Classic o Extra. Sa madaling sabi, mas mura ang ticket ngunit may kaakibat na trade-offs sa convenience at flexibility. Para sa mga nais lamang maranasan ang first-class o business-class, mas abot-kaya ang Basic fare.

Ilan sa international airlines tulad ng Qatar Airways, Emirates, Finnair, Air France, at Etihad ay nagpatupad na ng ganitong uri ng pricing sa kanilang premium cabins. Ang Delta ang kauna-unahang malaking U.S. airline na gagawa nito. Layunin ng airline na punuin ang premium seats at bigyan ng mas customizable na opsyon ang mga pasahero.

Magkakaroon ng gradual rollout habang mino-monitor ng Delta ang feedback ng mga pasahero. Ang bagong structure ay magbibigay ng flexibility at choice, at inaasahang babaguhin ang pananaw ng U.S. travelers sa premium seating, na magbibigay ng mas maraming abot-kayang opsyon para maranasan ang first-class at business-class travel.