Boying vs mga marites: Fake news tinatarget ng Ombudsman

Hindi lang tsismis ang sabi-sabi na patay na raw si Ombudsman Jesus Crispin "Boying" Remulla. Sa tingin niya, ito raw ay isang parte ng political propaganda.

Kamakailan, may kumalat na balita na patay na umano ang Ombudsman ng Pilipinas matapos daw siyang isugod sa ospital. Agad namang pinawalang-katotohanan ito ng kapatid ni Boying na si Jonvic Remulla at sinabing malakas pa ang kapatid at nakakapaglaro pa nga ng golf.

Pinapa-imbestigahan na ng Ombudsman sa National Bureau of Investigation (NBI) at pinapahanap ang mga nagkalat ng fake news. Aniya ang ganitong uri ng tsismis ay dulot ng isang isip na tamad na ginagawang palaruan ng demonyo. "In bad faith" daw ang paggawa ng kwento, hindi lamang isang pagkakamali.