Patuloy ang isinasagawang search and rescue operations ng Philippine Coast Guard (PCG) at Provincial Disaster Risk Reduction and Management Office (PDRRMO) para kay Usman Abela, isang deck cadet ng MV Blessed Sea Journey, na naiulat na tumalon sa dagat nitong Sabado bandang 10:40 ng gabi.

Naganap ang insidente sa karagatang sakop ng Lagari Point, Naujan, Oriental Mindoro.

Si Abela ay may taas na 5'6" at may katamtamang pangangatawan. Ang barkong kanyang sinasakyan ay patungong Coron, Palawan mula Maynila nang mangyari ang insidente.

Hinihikayat ang publiko, lalo na sa mga baybaying bahagi ng Naujan at mga karatig-lugar, na agad iulat kung may makitang palatandaan o anumang impormasyon tungkol sa nawawala.

Maaaring makipag-ugnayan sa mga sumusunod -- Coast Guard Station Oriental Mindoro: 0975-542-6908; Coast Guard Sub Station Calapan: 0977-424-1512; PDRRMO Oriental Mindoro: 0948-146-0382 / 0920-951-3690; Ms. Silvina Adier: 0946-743-1141.