Pulis kalaboso sa sextortion

Sa kulungan pihadong magpapasko ang isang pulis matapos maaresto ng kanyang mga kabaro sa Bulacan, Sabado ng hapon nang ireklamo ng kanyang nobya dahil sa pagkuha umano nito ng sex video nila.

Ginagamit din daw ito ng suspek para iblack mail ang kaniyang kasintahan.

Sa ulat ng Philippine National Police Integrity Monitoring and Enforcement Group, lumapit umano sa kanila at humingi ng tulong ang biktima, at inireklamo angg nobyong si Patrolman Julius Ramos dahil sa umano'y sextortion.

Ayon kay PNP-IMEG Spokesperson PInsp. Mary Jean Cuevas, ginagamit umano ng suspek na pang-blackmail ang mga sex videos para sa kanyang mga sexual favors sa complainant.

Sa ngayon ay wala pang tugon ang inirereklamomg pulis hinggil sa sumbong ng nobya.

Kasong grave coercion at paglabag sa Anti-Violence Against Women and Their Children Act, Anti-Cybercrime Prevention Act, at sa Anti-Photo and Voyeurism Act.

Bukod sa criminal na charges na sinampa ng pulisya ay nagsampa din ng administratibong kaso laban sa suspek, kung saan maaari siyang sibakin sa serbisyo.