Patay ang isang 14-anyos na Grade 10 student matapos umanong pagsasaksakin sa loob mismo ng kanilang bahay sa Baliuag, Bulacan.

Ayon sa ina ng biktima, bandang alas-tres ng hapon nang silipin niya ang kanyang anak sa loob ng kuwarto at laking gulat niya nang matagpuan itong may saksak sa leeg at naliligo sa sariling dugo.

Nadatnan din umano ng ina sa loob ng kuwarto ang isang guro, na kasalukuyang nasa kustodiya ng pulisya habang isinasagawa ang masusing imbestigasyon sa insidente.