Napaka-sweet na mensahe ang inihatid ng aktres na si Bea Alonzo para sa 55th birthday ng kanyang ina na si Mary Anne Ranollo at sa kanyang IG, ipinakita ng dalaga ang isang litrato at video ng kanyang ina.

"Happy birthday to my bestfriend! You are amazing! I love you Ma!! (red heart emoji)" sabi ni Bea sa caption.

Makikita rin sa comment section ang mga pagbati ng ilang celebrities gaya nina Angelica Panganiban, Yasmien Kurdi, John Valle Rodjun Cruz, at marami pang iba.

Kamakailan lamang ay nag-post ang aktres na isinama niya sa Madrid, Spain ang kanyang ina, pati narin ang kanyang step dad.

Bukod sa pamamasyal ay ipinakita niya rin ang biniling apartment na para sa kanyang nanay.

"Madam M goes to SPAIN!!! I showed her our new apartment, and we gave her a tour of Madrid and made some side trips! Sobrang saya!!" sabi ni Bea sa caption.

Matatandaan noong Mayo lamang nang kunimpirma ni Bea na naghahanap siya ng bibilhing Apartment sa Spain kaya siya pabalik-balik doon.

Ipinasilip pa niya ito sa kanyang YouTube vlog at sinabi niya na naisipan niya ito dahil na-realize niya nitong pandemya na "you only live once."

Nakwento rin niya na last year pa siyang tumitingin ng apartment sa Madrid.

Nag-umpisa raw muna siya sa internet hanggang sa pinuntahan na niya ito.