Bumaba na sa 160-meter critical level ang tubig sa Angat Dam sa Norzagaray, Bulacan ayon sa PAGASA nitong Martes. Ang minimum operating level ng dam ay 180 meters, habang ang normal high water level naman nito ay nasa 210 meters.

Ang Angat Dam ang nagsisilbing pangunahing pinagmumulan ng supply ng tubig sa Metro Manila at sa ilang bahagi ng mga lalawigan ng Rizal at Cavite.

Kung magpapatuloy ang ganitong mababang antas ng tubig, maaaring makaranas ng rotational service interruption o bawas sa supply ang mga lugar na umaasa rito. Samantala, nagbabala rin ang PAGASA ukol sa banta ng El Niño na posibleng magtagal hanggang sa unang bahagi ng 2027.