Isang lalaki na pinaghahanap ng batas ang nahuli habang kumukuha ng National Police Clearance sa bayan ng Dinalupihan, Bataan nitong 19 Pebrero 2026.

Ayon sa Dinalupihan Municipal Police Station, nahuli ang suspek habang nasa clearance processing ang kanyang dokumento. Nagkaroon ng “hit” sa sistema dahil ang lalaki ay may nakabinbing violation.

Karagdagang imbestigasyon at balidasyon ang isinagawa ng istasyon ng pulis sa korte at sa Police Regional Office 6, na nagpapatunay na may umiiral na arrest warrant laban sa suspek.

Binidyohan ng mga pulis ang paghain ng writ at ang aktwal na paghuli sa suspek bilang pagsunod sa utos ng Korte Suprema.