Nag-post si Yukii Takahashi ng serye ng litrato na kuha sa taping ng FPJ’s “Batang Quiapo” kung saan gumanap siya bilang si Camille.

Kalakip ng photo ay ang pasasalamat ng dalaga sa kanyang love interest sa show na si David na ginampanan ni McCoy De Leon.

Isang heartfelt message ang ibinigay niya kay David. 

“Hindi ako makapaniwalang ganito ang magiging takbo ng storya natin. Sabi mo ako lang.. sabi mo mahal mo ko… ano bang ginawa ko para saktan mo ko ng ganito,” caption niya sa kanyang Instagram post.

“Our Last fight. Grateful to have worked with a co-actor as talented you,” pagbibigay pugay naman niya kay McCoy.

Marami ang nanghinayang na namatay na ang Camille character ni Yukii sa “Batang Quiapo.”

“You will be missed Camille! You did great and hoping to see your more projects,” say ng isang netizen.

May isang guy naman ang naniniwalang hindi dapat piñatay ang character ni Yukii.

“Mas okay pa na di siya pinatay, dinala nalang siya ng magulang nia sa abroad. After ilang years babalik siya kasama anak nila ni david.  At dun na mabubulgar ang lahat,” say ng guy.