Nagbitiw sa kaniyang posisyon bilang Sangguniang Kabataan (SK) chairman ng Barangay Bubukal si Mark Adrian Napiza.

Ang pagbibitiw ay kasunod ng kontrobersiyang kinaharap niya noong 15 Pebrero 2026, nang kumalat sa social media ang isang video na nagpapakita sa kaniya na hinahawakan ang mga panindang siopao at hotdog sa loob ng isang convenience store, na nagdulot ng matinding batikos mula sa publiko.

Sa kaniyang liham ng pagbibitiw, nagpasalamat si Napiza sa mga kabarangay na kaniyang napaglingkuran sa halos walong taon. Ayon sa kaniya, ang hakbang na ito ay bahagi rin ng pagdidisiplina sa sarili kaugnay ng nangyari.

Bago ang pagbibitiw, nagsampa ng administrative complaint si Sta. Cruz Mayor Benjo Agarao laban kay Napiza kaugnay ng insidente.