Olongapo City, Zambales - Tiklo ang dalawang tulak habang P3.25-milyon na droga ang kumpiskado ng kapulisan sa dalawang buy-bust operation sa lungsod na ito.

Ayon sa Police Regional Office 3 (PRO3), ang dalawang suspek ay tinaguriang high-value individuals.

Sa Barangay West Bajac-bajac, nagsagawa ang pulis ng buy-bust operation noong 9 Enero 2026.

Ang operasyon ay nagresulta sa pagkakahuli ni alias Bash at kumpiskasyon ng P2.72-milyong droga.

Sa Barangay Sta. Rita, nahuli naman si alias Kevin noong 10 Enero 2026, at nakumpiska ang 78 gramo ng shabu na may halagang P530,400.

Ayon kay PRO3 director Brigadier General Ponce Rogelio I. Peñones Jr., ang pagkaaresto sa mga suspek ay repleksyon ng rehiyon pagdating sa kampanya laban sa droga.

Aniya ito ay ehemplo ng pagpupursige ng PRO3 sa mga operasyong legal na katuwang ang komunidad sa pagsupil sa krimen habang isinasapuso ang karapatan ng bawat mamamayan.