Pagtakbo sa pagkapangulo ni VP Sara, posible pa rin?

Hindi pa rin nawawala sa isip ni Vice President Sara Duterte ang pagtakbo sa pagkapangulo sa taong 2028 kaya patuloy pa rin niya itong tinitimbang.

Matunog ngayon ang pangalan ng bise presidente dahil siya ay nahaharap sa impeachment complaints mula sa House of Representatives, at ang lahat ng ito ay pinaubaya na aniya sa kanyang legal team.

Inamin din ni Duterte na mahirap magsagawa ng desisyon sa ngayon dahil kulang na ang kanyang mga kaalyado sa Senado.

Hinikayat rin nito ang mga tagasuporta na patuloy na magtiwala sa kanya hanggang sa dulo ng kanyang laban.

Wala pang kasiguraduhan ukol sa pagtakbo sa pinakamataas na posisyon si Duterte, ngunit maaaring sa susunod na taon ay mabubuo na ang desisyon nito kung magpapatuloy.