Dahil sa naging alegasyon ni dating Pangulong Rodrigo Duterte tungkol sa pinirmahang blangkong 2025 national budget ni Pangulong Bongbong Marcos, ay tinawag siya nitong sinungaling.

Sa isang ambush interview, sinabi ni PBBM na alam ng dating Pangulong Duterte na bilang dating lider ng bansa hindi pwedeng magpasa ng General Appropriations Act ang may blangkong items at alam din anya ni Duterte na hindi pa nangyari ang ganitong insidente sa kasaysayan ng Pilipinas.

Sa naunang pahayag ni ES Lucas Bersamin, mayroong naman kopya ng GAA sa website ng DBM at pwedeng tignan doon ang sinasabi ng dating pangulo at kaalyado nito na malablank-check para mapatunayan na hindi ito totoo.

Iginiit din ng Pangulo na nakasaad sa GAA ang lahat ng programa at proyekto maging ang halaga ng alokasyon sa mga ito.