Bilang Ti Moune sa kanyang second musical na “Once On This Island” ay magkahalong kaba at saya ang na-experience ng young singer na si Angela Ken.

Actually, dahil second ko pa lang ito na “professional musical, yung saya nakakakaba. Kahit ayaw mong ma-pressure ay mape-pressure ka sa sarili mo because you only want to give your best,” say niya.

“Ayun din siguro yung fuel ko to improve everything that I do,” dagdag pa ng dalaga.

Ayon kay Angela, may pagkakapareho sila ng character niyang si Ti Moune.

“Si Ti Moune kasi kapag nagmahal siya, iyun na yon. Ipaglalaban ka niya kahit huling hininga na niya. Iyun yong gusto kong i-apply sa sarili ko, na yung pagiging sigurado kapag nagmamahal ka. Iyon ang similarity namin. Siyempre kapag nagmamahal ka dapat sigurado ka and you’re willing to sacrifice for the person,” say ni Angela 

“Iyon ang pinagkaparehas namin. And yung mas itinuturo pa sa akin ni Ti Moune is yung pagiging risk taker niya sa lahat ng bagay. Kahit anong pagsubok pa yan, dahil focus ako. Ito yung pangarap ko, ikaw yung pangarap ko. Kukunin ko yan kahit ano ang mangyari,” paliwanag pa ng dalaga.