'Neutralization,' mali ang pagkakaintindi, ayon kay Kaufman

Sinabi ni Nicholas Kaufman, abogado ni dating Pangulo Rodrigo Duterte, sa International Criminal Court (ICC) na ang terminong “neutralization” ay tumutukoy sa legal na pag-aresto o pagpigil, at hindi sa pagpatay sa mga pinaghihinalaang sangkot sa droga sa mga police manual.

Sa kanyang pagsasalita para sa depensa sa International Criminal Court noong Huwebes, 26 Pebrero, iginiit ni Nicholas Kaufman na mali ang pagbasa ng mga prosekutor sa naturang termino at hindi ito patunay ng isang utos na pumatay.

Tinukoy niya ang Philippine National Police, na naglalarawan sa “neutralization” bilang isang “police intervention in strict accord with the use of force to contain or stop the unlawful aggression of the offender.”

Idinagdag ni Kaufman na sa mga kontekstong “political, legislative, and judicial,” ang naturang termino ay maaari ring mangahulugan ng pagpigil o restrain.

Sa kampanya kontra droga na kilala bilang Oplan Double Barrel, ang mga “neutralizations” ay binanggit bilang mga indikasyon ng tagumpay, ayon sa Human Rights Watch.

“So, assuming that neutralize actually means killed, which does not, then there’s no virtual certainty attributable to Rodrigo Duterte that death would ensue from this kill list, rather a five percent chance," dagdag pa niya.