Emosyonal na nagbahagi ng mensahe ang television personality na si Kuya Kim Atienza para sa ika-20 kaarawan ng kanyang anak na pumanaw noong nakaraang taon.

Sa Instagram post, ipinakita ni Kuya Kim ang 18th at 19th birthday video ng bunso niyang si Emman, kung saan masaya itong nagdiriwang ng simpleng selebrasyon kasama ang pamilya.

"Emman's birthday wish every year was the same: 'TO MAKE PEOPLE HAPPY SO I CAN BE HAPPY,'" saad ni Kuya Kim.

"Emmansky, your time with us was brief but you made millions happy. I love you and miss you so much," dagdag pa niya.

Nagbahagi rin ng pagbati ang nakatatandang kapatid ni Emman na si Eliana, kalakip ang mga throwback pictures nila.

Pumanaw si Emman sa edad na 19 noong Oktubre matapos ang mahabang laban sa mental health illness. Umani naman ng pakikiramay ang pamilya mula sa mga tagahanga ng pumanaw na social media influencer.