Usap-usapan sa buong showbiz at maging sa social media na bilang na ang araw ni Ivana Alawi sa telerseryeng “Batang Quiapo.”

May kinalaman daw ang “diva” attitude ni Ivana kung bakit siya mawawala sa number one primetime program na pinagbibidahan ni Coco Martin.

Ang chika, may prima donna attitude daw itong si Ivana. Kay Coco lang daw ito ngumingiti at nakikipagtsika during taping at may pagkasupladita ito sa production people.

Ang isa pang chika, masyado raw nahihirapan ang production sa kanya. Palagi raw itong hindi available sa taping at may mga instances na hindi nito pinagbibigyan kung pinakikiusapan siyang mag-extend ng oras dahil may mga eksena pang kukunan sa kanya.

Pero nag-denay ang kampo ni Ivana na may kinalaman sa attitude ng aktres kung bakit siya mawawala sa show.

“It’s true na mawawala na siya sa ‘Batang Quiapo’ dahil ayaw na! Pagod na! That’s the statement na sinabi sa akin. Ayaw na, pagod na. Pagod na siguro si Ivana,” sabi umano ng publicist ni Ivana na lumabas sa isang Facebook page.

Ang natatandaan namin ay itsinika ni Ogie Diaz sa kanyang online show a few months back na inisnab siya ni Ivana nang dumalaw siya sa set ng “Batang Quiapo.”

“Bineso ko eh, dedma. Nahiya na ‘ko noh, baka naman ano, sobrang lang siyang pinapawisan that time kaya focus na focus siya du’n sa electric fan niya,” say ni Ogie.

***

Gloria Diaz itinangging mahirap ang Bb. Pilipinas question niya

Nag-viral si former Miss Universe Gloria Diaz dahil sa kanyang tanong during Binibining Pilipinas 2024 pageant.

Naging trending  topic si Gloria dahil sa kanyang tanong kay Miss Bulacan na si Ms. Roella Frias Solis.

“What physical asset do you have that should make you win?” tanong ni Gloria sa candidate.

“As a beauty queen and as a woman of vision, I am here to present you the best version of myself despite having a pivotal loss,” sagot ni Roella na malayo sa tanong.

Nagbigay ng second chance si Gloria and asked Roella again, “But what physical asset do you have?” 

“One physical asset I have is I am beautiful. Aside from that, I have a mission and vision in life that makes me apart from the other candidates. Thank you,” sagot ni Roella.

Sabi ni Gloria in the interview after, madali lang ang kanyang tanong.

 “Mahirap ba ‘yon? Ang dali-dali lang ng tanong,” say ni Gloria.