Cristine Reyes, naaksidente

Naaksidente ang aktres na si Cristine Reyes habang nagwo-workout kaya naman talagang matinding sakit sa likod ang nararanasan niya ngayon.

Sa kanyang social media, ibinahagi ni Cristine ang isang video kung saan makikitang sinusubukan niyang mag-head stand at kitang-kita nang mawalan siya ng balanse kaya tumama sa sahig ang kanyang likod.

Ayon sa aktres, ramdam na ramdam daw niya ang matinding pananakit sa kanyang lower back kaya agad na siyang nagpa-check-up. Sa katunayan, tatlong beses pa siyang nagpasuri sa mga espesyalista.
Ayon sa mga doktor na tumingin sa kanya, nagkaroon siya ng mild disc bulge sa kanyang lumbar.

"Here I am today awesomely flipped over and slammed my back. I have had 2 orthopedic surgeons check my lumbar MRI last week and a third opinion early this morning from an arthroscopic surgeon. I've been experiencing excruciating lower back pain. All 3 surgeons said the same thing," sabi ni Cristine.

Sinabihan naman ni Cristine ang lahat ng mga taong nag-alala sa kanyang kundisyon na nagpapagaling na siya ngayon at nabigyan na rin ng prescription medicines para makontrol ang nararamdamang sakit.

"I will be expecting a massive muscle spasm later for that classic fall I just recorded just now. Apparently, I have a mild disc bulge in my lumbar. At least, I now have prescription medz," saad ng aktres.