Skip to content
DYARYO TIRADA

OFW remittances, pumalo sa $3.20 B

OFW

OFW

Text size

Mas mataas na remittance mula sa mga Overseas Filipino Workers (OFW) ang naitala ng Pilipinas noong Setyembre 2026 kumpara sa kaparehong buwan noong nakaraang taon.

Batay sa datos ng Bangko Sentral ng Pilipinas (BSP), umabot sa $3.20 bilyon o P20.4 bilyon ang kabuuang cash remittances ng mga OFW noong Setyembre 2026. Mas mataas ito kumpara sa $3.12 bilyon o P19.9 bilyon na naitala noong Setyembre 2025.

Nanguna ang Estados Unidos bilang pangunahing pinagmulan ng mga padala, na bumubuo sa 39.8 porsiyento ng kabuuang remittances. Sinundan ito ng Singapore na may 7.1 porsiyento at Saudi Arabia na may 6.4 porsiyento.

Ayon sa BSP, malaking tulong ang patuloy na pagpasok ng remittances sa pagtustos sa pang-araw-araw na pangangailangan ng mga pamilyang Pilipino.

Nakapag-aambag din ito sa pagpapasigla ng mga gawaing pang-ekonomiya sa bansa.

Binigyang-diin din ng central bank na nananatiling mahalaga ang ambag ng mga OFW sa pagpapaunlad at pagpapalago ng ekonomiya ng Pilipinas.

Your sign today

Pick your Chinese zodiac sign for a daily forecast by Master Hanz Cua.