Eala sasalang sa ASB Classic

Matapos ang makasaysayang kampanya sa 2026 season, nakatakdang sumabak si Filipina tennis ace Alex Eala sa ASB Classic sa Auckland, New Zealand, sa Enero 2027 bilang bahagi ng kanyang paghahanda sa bagong taon ng kompetisyon.
Magbabalik si Eala sa WTA 250 tournament na nakatakdang idaos mula 4 hanggang 10 Enero para sa women’s event. Nakatakda ring tumakbo ang kabuuang ASB Classic hanggang 16 Enero.
Noong nakaraang taon, umabot si Eala sa semifinals sa Auckland kaya’t hindi na bago sa kanya ang torneo. Sa kanyang pagbabalik, isa na siya sa mga top contender bilang ika-15 sa Women’s Tennis Association (WTA) rankings.
Nakuha ni Eala ang bagong ranking matapos ang runner-up finish sa Hong Kong Tennis Open, kung saan nabigo siyang makuha ang titulo kontra American Claire Liu sa straight sets, 3-6, 0-6, noong 8 Nobyembre.
Sa kabila ng pagkatalo, nagtapos ang 21-anyos na Pinay bilang isa sa mga pinakamalaking pangalan sa women’s tennis ngayong taon. Kabilang sa mga tampok ng kanyang 2026 campaign ang pagkamit ng kauna-unahan niyang WTA Tour singles title sa Washington, pag-abot sa fourth round ng Wimbledon at pagwawagi sa WTA 125 tournament sa Birmingham.







