Natunton na ang limang estudyante nambugbog at nanaksak ng kapwa mag-aaral sa Amaya School of Home Industries sa Tanza, Cavite.

Natukoy ang mga menor na estudyante na nasa 15, 16, at pa lamang habang ang isa ay 19-anyos na.

Sa video na inilabas ni Tanza Mayor Archangelo Matro, sinabi niya na nagpahatid na sila ng tulong sa pamilya ng biktima na napuruhan sa tagiliran.

Sa parehong video, kinilala ang mga menor na parte ng grupong PRM o Pinoy Ruthless Monstah.

Kinagalitan din ng alkalde ang mga suspek. Aniya, "dalawa lang ang patutunguhan ng ganitong mga kaso --- sementeryo o kulungan."

Hinikayat din ni Matro na ituwid ang kanilang ugali upang hindi umanong tuluyang mapariwara.

Isinailalaim na ang mga menor na suspek sa kustudiya ng Tanza Child in Conflict with the Law Processing Facilty habang ang 19-anyos ay hawak na ng Tanza Police Station.