Maglulunsad ang grupong Manibela ng tatlong araw na nationwide transport strike mula Miyerkules hanggang Biyernes.

Isasabay ito sa pagpapatupad ng service contracting program ng pamahalaan.

Layunin ng protesta na hikayatin ang gobyerno na umaksyon sa patuloy na pagtaas ng presyo ng langis. Iginiit din ng grupo na tanggalin ang VAT sa petrolyo.

Hinihiling din nila ang malakihang rollback sa presyo ng petrolyo at ibalik ang presyo ng diesel sa P55 kada litro.