Dinagdagan ni Manila Mayor Isko Moreno ang arawang subsidiya para sa mga public utility vehicle (PUV) driver na kalahok sa libreng sakay program ng lungsod.

Ito ay kasunod ng halos ₱20 na pagtaas sa presyo ng diesel ngayong linggo.

Mula sa dating ₱3,500, itinaas sa ₱4,000 ang daily assistance na ibinibigay sa mga PUV driver bilang bahagi ng hakbang ng lokal na pamahalaan upang maibsan ang epekto ng sunud-sunod na malalaking oil price hike.

Sa kasalukuyan, mahigit 1,000 pampasaherong jeep ang naka-deploy sa mga pangunahing ruta sa Maynila upang magbigay ng libreng sakay sa mga commuter.