Inuman sa kalye, ipagbabawal na

Mahigpit na ipagbabawal ang pag-inom ng alak sa mga kalsada.

Sa isang press conference, inihayag ni Department of Interior and Local Government Secretary Jonvic Remulla na hindi na papayagan ang paglalagay ng mga mesa at upuan sa kalsada para gawing lugar ng inuman.

Dagdag pa niya, ipagbabawal na rin ang paggamit ng videoke lampas alas-diyes ng gabi upang maiwasan ang ingay at mapanatili ang kaayusan sa komunidad.

Ipatutupad din ang mas mahigpit na curfew para sa mga menor de edad.