Ang nakakatandang kapatid na babae ng aktres at TV host na si Kim Chiu, si Lakambini “Lakam” Chiu, ay nahaharap sa 124 na kaso ng kwalipikadong pagnanakaw dahil sa umano’y pag-withdraw at paglilipat ng milyong-milyong piso mula sa negosyo ng kanilang pamilya.

Para kaalaman ng lahat, pormal na nagsampa si Kim ng kaso laban kay Lakam noong huling bahagi ng nakaraang taon, na binanggit ang “malubhang pagkakaiba sa pinansyal na natuklasan” sa kanilang mga operasyon sa negosyo, at naisampa ito sa Department of Justice sa Lungsod ng Quezon.

Ayon sa mga katkaterang nagpasimuno ng mga chika tungkol dito na kumakalat online, ang qualified theft na isinampalaban kay Lakam ay nag-ugat dahil sa alegasyon na pangmalakasang pagsusugal nito.

Kamakailan, ayon sa mga ulat, nahaharap na si Lakam sa 124 na kaso ng kwalipikadong pagnanakaw kaugnay ng diumano’y pag-withdraw at paglilipat ng kabuuang P44.396 milyon mula sa pondo ng kanilang kumpanya, House of Little Bunny Philippines, Inc. (HOLB).

Ito ay batay sa imbestigasyon ng Office of the City Prosecutor ng Quezon City, na nakahanap ng sapat na batayan para kasuhan si Lakam matapos suriin ang mga pahayag at ebidensiya na isinumite kaugnay ng reklamo ni Kim.

Batay sa 21-pahinang resolusyon na may petsang Setyembre 1, 2026, pormal nang naisampa ang kriminal na kaso laban kay Lakam noong Hulyo 15, 2026. Ayon sa mga nakalap na impormasyon,  natuklasan ni Kim noon ang hindi pangkaraniwang malalaking withdrawals mula sa mga account ng kumpanya noong Mayo at Hunyo 2025.

Kabilang sa mga transaksyong pinagtanong niya ay ang mga online transfer na umabot sa halos P1.8 milyon na ginawa mula Hunyo 10 hanggang 16, 2025. Isa pang serye ng mga transaksyon umano ay nag-iwan lamang ng P4,022.19 sa isang account na dati ay may halos P9 milyon. Sinabi rin ni Kim na P2.796 milyon na mga transaksyon ang naganap mula Hulyo 18 hanggang 23, 2025.

Sa huli, inamin ni Lakam na kumuha nga siya sa kanilang pinagsamang account at ibinalik ang P2 milyon. Inakusahan ni Kim na may karagdagang pondo na hindi pa na-account.

Ayon sa ulat, natuklasan sa isang audit ang mahigit P36.65 milyon na nawawala o hindi maipaliwanag na pondo, kaya nagdesisyon si Kim na magsampa ng kaso laban sa kanyang kapatid na babae.

Itinanggi ni Lakam ang paratang ng qualified na pagnanakaw, sinasabi na may pahintulot siyang i-access ang kanilang magkasanib na account. Sinabi pa nito na ginamit ang pera para sa negosyo na may kinalaman sa casino “junkets” at hinamon ang mga natuklasan sa audit.

Kahit na may mariin na pagtanggi si Lakam, nakahanap ng sapat na batayan ang mga taga-usig para kasuhan siya ng kwalipikadong pagnanakaw na kinasasangkutan ang 124 na transaksyon.

Samantala, ang reklamo laban sa accountant ni Kim na si Helena Tayag ay na-dismiss dahil sa kakulangan ng ebidensya na nag-uugnay sa kanya sa nawawalang pondo o anumang diumano'y sabwatan.

Ang tanong ng bayan, ang Mommy Louella Yap nina Kim at Lakam, ano kaya ang pakiwari at damdamin sa demandahan? Ano naman kaya ang masasabi ng mga kapatid nilang sina Twinkle, William Jr. at JP? At ang question of national importance, anong pag-aalala at suporta ang ibinibigay ni Paulo Avelino kay Kim, ngayong kapatid laban sa kapatid na ang dramarama ni Chiu sa totoong buhay?