Pinaghahanda na ng Department of Science and Technology (DOST) ang publiko sa mas matinding epekto ng El Niño ngayong taon.

Ayon kay DOST Secretary Renato Solidum, posibleng makaranas ng below normal rainfall condition ang 49 na probinsya sa bansa pagsapit ng buwan ng Oktubre.

Sinabi rin niyang maaaring magpatuloy ang naturang dry spell hanggang sa unang quarter ng 2027.

Dagdag pa ng kalihim, may 92% posibilidad na maramdaman ang epekto ng El Niño sa bansa pagsapit ng Hunyo, at inaasahang mas titindi pa ito lalo na sa sektor ng agrikultura sa mga huling buwan ng taon.

Dahil dito, hinihikayat ni Solidum ang publiko na magtipid sa paggamit ng tubig bago pa lumala ang epekto ng El Niño sa bansa.