40 sugatan, 2 nasawi sa pagdiskaril ng tram sa Italya

Dalawang katao ang nasawi matapos madiskaril ang isang tram sa Milan, Italya.

Batay sa inisyal na imbestigasyon, nagmula sa Viale Vittorio Veneto ang naturang tram at nawalan ito ng kontrol bago tuluyang bumangga sa isang gusali.

Aabot sa 40 pang pasahero ang nasugatan sa insidente.

Kabilang sa mga nasawi ang isang 60-anyos na lalaki na tumatawid lamang sa kalsada nang maganap ang aksidente.

Agad na isinugod sa mga pagamutan ang mga sugatang biktima, habang nagpapatuloy ang masusing imbestigasyon ng mga awtoridad upang matukoy ang sanhi ng pagdiskaril.