Bonoan at Estrada, hindi muna papayagan makalabas ng bansa

Pinagbawalan munang makalabas ng bansa sina Jinggoy Estrada, dating DPWH Secretary Manny Bonoan, at iba pang sangkot habang nagpapatuloy ang imbestigasyon kaugnay ng maanomalyang flood control project.

Naglabas ang Manila Regional Trial Court Branch 52 ng precautionary hold departure order (PHDO) laban sa mga nabanggit na indibidwal.

Bukod kina Estrada at Bonoan, kabilang din sa saklaw ng PHDO sina dating Public Works Undersecretary Robert Bernardo, District Engineer Henry Alcantara, at Regional Director Opolencia. Nahaharap ang mga ito sa mga kasong plunder, graft, direct bribery, at corruption.

Ang naturang hold departure order ay inilabas ni RTC Judge Juan Raniola Jr. at ipinadala sa Bureau of Immigration noong Pebrero 10.