Pinas, kinilala bilang Best Retirement Destination sa Asia
DEPARTMENT of Tourism Secretary Christina Garcia Frasco, tinanggap ang pagkilala para sa Pilipinas bilang pinakamatagumpay na destinasyon para sa mga retirado sa Asia.
Daily Tribune images.
Daily TribuneDEPARTMENT of Tourism Secretary Christina Garcia Frasco, tinanggap ang pagkilala para sa Pilipinas bilang pinakamatagumpay na destinasyon para sa mga retirado sa Asia.
Daily Tribune images.
Kinilala ang Pilipinas bilang “Best Retirement Destination in Asia” sa ika-11 edisyon ng TripZilla Excellence Awards 2025.
Ang naturang parangal ay ginawad noong 11 Pebrero bilang pagkilala sa bansa dahil sa abot-kayang gastusin sa pamumuhay, mainit na pagtanggap ng mga Pilipino, mataas na antas ng kasanayan sa wikang Ingles, at mga destinasyong madaling mapuntahan at kaaya-aya para sa mga retirado.
Ayon kay Philippine Retirement Authority (PRA) General Manager at CEO Roberto Zozobrado, ang natamong pagkilala ay higit pa sa isang internasyonal na parangal. Aniya, ito ay sumasalamin sa tiwala ng mga dayuhan sa bansa at sa positibong karanasang hatid ng Pilipinas—lalo na sa kabutihang-loob at malasakit ng mga Pilipino.
Malugod namang tinanggap ni Tourism Secretary Christina Frasco ang nasabing pagkilala para sa Pilipinas.