Muling bubuhayin ang diwa ng mapayapang People Power Revolution sa pamamagitan ng People Power 40 kickoff concert na gaganapin sa 21 Pebrero sa Quezon Memorial Circle.

Dala ng konsyerto ang temang “Awit at Aksyon Kontra Korapsyon,” na naglalayong palakasin ang paninindigan at pakikibaka ng mamamayan laban sa katiwalian.

Ayon sa mga tagapag-organisa na Mayors for Good Governance at Kaya Natin!, hangad ng nasabing pagtitipon na ipaalala sa publiko na ang pagkakaisa at tapang na nagpanumbalik ng demokrasya noong 1986 ay maaari pa ring magsilbing inspirasyon at sandigan ngayon sa pagsusulong ng transparency at mabuting pamamahala.