Pagtaas ng presyo ng bigas, kinuwestyon

Kinuwestiyon ng grupong Bantay Bigas ang patuloy na pagtaas ng presyo ng bigas sa merkado.

Sa isang panayam, sinabi ni Bantay Bigas spokesperson Cathy Estavillo na hindi makatarungan ang dagdag na P8 hanggang P10 sa presyo ng bigas, lalo na’t may naitalang ani noong nakaraang taon.

Ayon pa kay Estavillo, dapat nang ilabas ang mga naimbak na ani mula noong nakaraang taon upang makontrol ang patuloy na pagtaas ng presyo.

Samantala, ramdam na ng mga mamimili ang pagsipa ng presyo ng bigas sa iba’t ibang pamilihan.