Inulan ng intriga ang naging sagot ni Senator Sherwin Gatchalian nang tanungin siya ng brodkaster na si Korina Sanchez tungkol sa kanyang love life.

"It's non-existent," iyan ang deretsahang tugon niya matapos kapanayamin ng batikang media personality noong ika-21 ng Enero ang senador patungkol sa maanomalyang korapsyon sa Department of Public Works and Highways.

Aniya ni Sanchez, biro lamang daw ang kanyang tanong at hindi niya inaasahan ang ganitong sagot ni Gatchalian.

Umani naman agad ng ingay sa social media ang sagot ng senador, na wari ay kinukumpirma na hiwalay na sila ng nobya niyang si celebrity Bianca Manalo.