Torre, magiging tagapagsalita ng MMDA

Itinalaga bilang tagapagsalita ng Metropolitan Manila Development Authority (MMDA) ang bagong general manager na si dating PNP Chief Nicolas Torre III.

Inanunsyo ito ni MMDA Chairman Atty. Romando Artes kasabay ng unang pagharap ni Torre sa media matapos siyang italaga ni Pangulong Ferdinand “Bongbong” Marcos Jr.

Isa sa pangunahing tungkulin ni Torre ang pamamahala sa daloy ng trapiko sa kahabaan ng EDSA, lalo na sa gitna ng isinasagawang rehabilitation program sa nasabing lansangan. Bukod dito, mangunguna rin siya sa pagpapatupad ng kaayusan at pagpapanatili ng seguridad sa buong panahon ng Traslacion.