Budget para ngayong taon, pirmado na ni PBBM

Ganap nang naging batas ang P6.793 trilyong pambansang badyet para sa 2026 matapos itong pirmahan ni Pangulong Ferdinand Marcos Jr. sa isang seremonya sa Malacañang nitong Lunes.

Ayon sa General Appropriations Act of 2026, ang sektor ng edukasyon ang nakatanggap ng pinakamalaking bahagi ng pondo, na umaabot sa P1.345 trilyon. Sinundan ito ng sektor ng kalusugan na may P448 bilyon, agrikultura na may P297 bilyon, at mga programa para sa social services na may P270 bilyon.

Sa kanyang talumpati, iginiit ng Pangulo na mahigpit niyang ipatutupad ang probisyon ng batas na nagbabawal sa mga pulitiko na makilahok sa pamamahagi ng ayuda at iba pang anyo ng tulong pinansyal, upang masiguro ang patas at malinaw na paggamit ng pondo ng bayan.