Sumailalim sa medical assessment ang missing bride-to-be na si Sherra De Juan sa Quezon City Police District (QCPD) Medical and Dental Unit (MDU) nitong Martes.

Si De Juan ay naiulat na nawawala ilang araw bago ang itinakda sana niyang kasal at matagpuan sa lalawigan ng Pangasinan nitong Lunes.

Batay sa pagsusuri, sinabi ni De Juan na nakararanas siya ng pagduduwal. Ayon sa QCPD, lumabas na ilang araw halos tubig lamang ang kanyang iniinom at kamakailan lamang muling kumain, na posibleng naging sanhi ng kanyang hindi maayos na pakiramdam.

Wala naman umanong nakitang palatandaan ng seryosong karamdaman ang mga medical personnel at nanatiling maayos ang kanyang vital signs.

Dagdag ng QCPD, ang kanyang kondisyon ay maaaring dulot ng acid-peptic disease o dyspepsia, na karaniwang sanhi ng hindi regular na pagkain at biglaang muling pagkain matapos ang matagal na pag-aayuno.

Binigyan si De Juan ng angkop na gamot at pinayuhan ukol sa tamang pagkain at sapat na pahinga.

Si De Juan ay naiulat na nawawala ilang araw bago ang itinakda sana niyang kasal at matagpuan sa lalawigan ng Pangasinan nitong Lunes.