12-anyos na bata, patay nang masabugan ng fountain sa Tondo
ISANG batang nasugatan sa insidente ng paputok sa Tondo, Maynila noong gabi ng 28 December 2025.
Photo from Manila Department of Social Welfare (MDSW)/Facebook
Daily TribuneISANG batang nasugatan sa insidente ng paputok sa Tondo, Maynila noong gabi ng 28 December 2025.
Photo from Manila Department of Social Welfare (MDSW)/Facebook
Nilinaw ng Manila Police District (MPD) na isang fountain—at hindi piccolo o trianggulo—ang sumabog sa insidenteng naganap sa Tondo, Maynila na ikinasawi ng isang 12-anyos na batang lalaki.
Ayon kay MPD Public Information Office (PIO) Maj. Philip Ines, napulot lamang ng dalawang 12-anyos na bata ang isang piccolo at isang fountain. Sinindihan umano ng nasugatang bata ang piccolo, subalit nadamay ang fountain na kalaunan ay sumabog at tumama sa dalawang bata.
Kasalukuyang nagpapagaling sa ospital ang batang nasugatan sa pagsabog. Samantala, tiniyak ng Manila Department of Social Welfare na magbibigay sila ng tulong sa pamilya ng batang nasawi sa insidente.