Nagbitiw sa puwesto si Independent Commission for Infrastructure (ICI) Commissioner Rossana Fajardo.

 Sa isang pahayag, kinumpirma ni Fajardo na nagsumite siya ng courtesy resignation na magiging epektibo sa katapusan ng buwang ito, Disyembre 31. Siya ay itinalaga noong Setyembre at sa kanyang panunungkulan ay nakatuon ang kanyang trabaho sa financial oversight at sa pag-iimbestiga ng mga proyektong pang-imprastraktura ng pamahalaan.

Ayon kay Fajardo, nakapagsumite na ang komisyon ng mga rekomendasyon para sa pagpapabuti ng procurement at pagbubudget ng mga proyekto matapos ang masusing pangangalap ng ebidensya at pagsasagawa ng mga imbestigasyon. Dagdag pa niya, ililipat na sa Department of Justice at sa Office of the Ombudsman ang mga tungkuling may kinalaman sa imbestigasyon at prosekusyon upang matiyak ang pananagutan ng mga sangkot sa naturang iskandalo.