Bawas-presyo sa produktong petrolyo, magsisimula bukas

Michael Pingol·22 December 2025, 2:32 pm·1 min read

Text size

Bawas-presyo sa produktong petrolyo, magsisimula bukas — SINABI ng Department of Energy na ang labis na suplay at mahinang demand sa pandaigdigang merkado ay maaaring magdulot ng rollback sa presyo ng langis ngayong linggo ng Pasko.
Larawan mula sa Shutterstock.

Magsisimula na bukas ang bawas-presyo sa mga produktong petrolyo.

Ayon sa pagtaya ng Department of Energy (DOE), maaaring umabot sa P1.20 kada litro ang rollback sa gasolina. Tinatayang P1.60 naman ang ibabawas sa presyo ng diesel, habang P1.65 ang inaasahang bawas sa kerosene.

Sinabi ng DOE na ang pagbaba ng presyo ay dulot ng pandaigdigang oversupply ng langis at mahinang demand. Nakatulong din umano ang pag-abot sa isang peace agreement sa pagitan ng Russia at Ukraine, na nagpaibayo sa katatagan ng suplay sa pandaigdigang merkado.