Dumating na sa Metro Manila ang mga labi ni dating Department of Public Works and Highways (DPWH) Undersecretary Maria Catalina Cabral. Batay sa ulat, pasado alas-3 ng madaling araw kanina nang dumating ang kanyang labi. Sa ngayon, hindi pa inaanunsyo kung saan ito ibuburol.

Kahapon, kinumpirma ni Interior and Local Government Secretary Jonvic Remulla na ang bangkay ng isang babae na natagpuan sa Tuba, Benguet ay kay Cabral, batay sa resulta ng DNA at fingerprint examination at dagdag pa nito, walang nakitang indikasyon ng foul play batay sa isinagawang autopsy.

Patuloy na nakakaagaw ng pansin ang pagkamatay ni Cabral dahil sa umiiral na imbestigasyon kaugnay ng umano’y anomalya sa mga flood control project.