Magpapatupad ang ilang kompanya ng langis ng P1.20 dagdag-presyo kada litro ng gasolina sa Martes, ika-9 ng Disyembre.
Epektibo ang nasabing taas-presyo bukas mula alas-6 ng umaga, kasabay ng opisyal na price adjustment. Wala namang pagbabago sa presyo ng diesel at kerosene.

Ito na ang ikalawang linggo ng pagmahal ng gasolina at ika-34 na dagdag-presyo para sa taon.

Samantala, sa Metro Manila, aabot na sa P52.95 hanggang P73.09 kada litro ang presyo ng gasolina matapos ang sunod-sunod na pagtaas.