PBBM nanguna sa paglunsad ng ‘Oplan Kontra Baha’

Inilunsad na ang ‘Oplan Kontra Baha’ na inisyal na ipatutupad muna sa ilang mga lugar dito sa Metro Manila partikular sa lungsod ng Parañaque.

Ang naturang seremonya ay pinangunahan ng Pangulong Ferdinand Marcos Jr., Ayon dito pagtutulungan ng pamahalaan at ng pribadong sektor na kung saan, ang unang phase ay magtatagal ng siyam na buwan.

Dagdag pa nito malaking  bahagi ng mga pagbaha ay ang siltation o ang sobrang babaw na ng mga spillway maging ang mga basura ay malaki rin ang kontribusyon sa pagbaha. Kaya unang hakbang nito ay ang paglilinis sa mga spillway at estero upang mas maging malalim ang daluyan ng tubig

Binigyang-diin din ng pangulo, ito ay regular na hakbangin na upang masolusyonan ang problema sa baha.

Inihayag ng Pangulo na kapag nagawa ang nasabing proyekto 60 posyento ang mababawas na mga pagbaha at baka mas higit pa kung kasama din sa mga aayusin ang mga pumping stations.