DOTr palalawakin ang pantalan sa Albay

Dahil sa hagupit ng Bagyong Uwan, isa sa mga napinsala ang pantalan sa Pio Duran Port sa probinsya ng Albay.

Agad na ipinag-utos ni Acting Transportation Secretary Giovanni Lopez ang mabilis na pagsasaayos at pagtatayo ng bagong pantalan.

Sa kanyang isinagawang inspeksyon, inabisuhan niya ang Philippine Ports Authority (PPA) na magtayo ng mas maluwag na pantalan at road connector, dahil umaabot sa 30 cargo trucks kada araw ang dumarating at sumasakay sa barko patungo sa probinsya ng Masbate.

Malaking tulong ang pier sa mga residente at pasahero, dahil nagsisilbi itong sentro ng kalakalan at negosyo sa kanilang munisipalidad.

Binigyang-pansin rin ang pagtatayo ng gusali ng Philippine Coast Guard, na makakatulong sa mabilis na pagresponde tuwing may sakuna sa karagatan.