Arestado ang  43-anyos na construction worker dahil sa umano’y pangmomolestiya sa kanyang stepdaughter sa Jalajala, Rizal.

Ito ay natunton sa kanyang trabaho sa Banawe Street sa Quezon City dito napag-alaman na ito ay nagtatago at siya ay kasalukuyang  nangongontrata ng pagkakarpintero sa isang bahay malapit sa NS Amoranto at doon siya inabangan at inaresto ng otoridad. Siya ay sinilbihan ng  mga operatiba ng La Loma Police Station ng arrest warrant sa akusado para sa kasong lascivious conduct in relation to Republic Act 7610 or Special Protection of Children Against Abuse, Exploitation, and Discrimination Act.

Base sa imbestigasyon, minolestiya nito ang kanyang stepdaughter noong buwan ng Enero at inihayag ng biktima na siya ay namolestiya dahil sa labis na kalasingan ng kanyang amain at agad naman siyang nakatakbo at nagsumbong sa kanyang nanay.

Hindi naman na nagbigay ng komento ang suspek at sinabi na sa korte na lang siya magsasalitra. Nakapag-return of warrant na ang mga pulis at hinihintay na lang ang commitment order mula sa korte.