Nagdulot ng pagkaantala ang mga nagkalat na isda pagkatapos tumaob ang isang van sa northbound lane ng NLEX kaninang ala una ng madaling araw.

Batay sa report ng NLEX Corp., nasabugan ng gulong ang naturang van na may lulan ng isda at bumangga ang sasakyan sa steel railings ng expressway.

Dahil sa lakas ng pagkakasalpok, tumaob ang naturang van at bumaliktad sa gitna ng naturang kalsada.

Nireport ng NLEX na nasira ang kanilang steel railings at concrete post sa lakas ng tama. Nagkalat naman ang mga isda na sana ay idedeliver para ibenta sa palengke.

Ang mga nagkalat na isda ay nagdulot ng trapiko sa naturang lugar. Wala naman naireport na nasaktan sa aksidente at nalinis naman na ang daan at naialis na ang sasakyan sa nasabing lugar.