P802-M halaga ng shabu nasabat sa Mariveles

Mariveles, Bataan – Umaabot sa P802-milyong halaga ng iligal na droga ang nasabat ng mga kapulisan sa may Barangay Sisiman sa Bayan ng Mariveles ngayon Agosto 14, 2025.

Ayon sa Bataan Police Provincial Office (BPPO), ang mga naturang droga ay nakalagay sa anim na sako at tinatayang may bigat na 118 kilograms na may halagang P802,400,000.

Dagdag pa ng BPPO, may nagreport daw sa kanila na may natagpuang mga sako malapit sa parola ng naturang lugar.

Nagsagawa ng imbentaryo ang otoridad kasama ang mga media, opisyales ng barangay, at representante ng Department of Justice.

Dinala ang mga naturang droga sa Bataan Forensic Unit for laboratory upang suriin at magawan ng report.