Donation box sa Boac Cathedral ninakaw

Isang donation box para sa beatification process ni Venerable Alfredo María Obviar y Aranda, dating obispo ng Lucena, ang muling ninakaw mula sa Boac Cathedral, ayon sa isang staff ng simbahan.

Ayon kay Butz Dasso Palmero, huling nakita ang "Maka-Obviar" donation box noong Lunes ng gabi, Hulyo 28. Ang tanging naiwan sa lugar kung saan ito nakalagay ay ang patungan nito.

Hindi ito ang unang pagkakataon na nawawala ang naturang donation box, na naglalayong makalikom ng pondo para sa pagkilala kay Obviar bilang isang santo. Patuloy na iniimbestigahan ang insidente.