Chinese arestado sa pagbebenta ng nakaw na SUV

Arestado ang isang Chinese national sa Paco, Maynila matapos mahuling nagbebenta umano ng isang SUV na pinaghihinalaang nakaw o posibleng ginamit sa krimen.

Naaresto ang 32-anyos na suspek sa isinagawang operasyon ng mga tauhan ng Philippine National Police-Highway Patrol Group (PNP-HPG), kasunod ng reklamo ng isang potensyal na buyer na nagduda sa sobrang murang alok na presyo ng sasakyan.

Bukod sa pinaghihinalaang nakaw na SUV, nakuha rin mula sa suspek ang iba't ibang uri ng ilegal na droga kabilang ang shabu, party drugs, marijuana, at cocaine na may kabuuang halagang P900,000.

Nahaharap ang dayuhan sa kasong paglabag sa Comprehensive Dangerous Drugs Act, Anti-Fencing Law, at Comprehensive Firearms and Ammunition Regulation Act.